Кыргызстандык сегиз балбан Париж Олимпиадасына жолдомо алуу үчүн күч сынашат. Бул тууралуу Дүйнөлүк күрөш уюмунун сайтында жарыяланды.
Дүйнөлүк олимпиадалык квалификациялык турнир Түркиянын Стамбул шаарында 9-майда башталат. Анда Олимпиадага оюндарына жолдомолор ойнотулат. Мелдеште ар бир салмак боюнча үч балбанга лицензия берилет.
Кыргызстандын атынан бул турнирге 8 спортчу катышат:
Кыз-келиндер күрөшү боюнча:
— Сезим Жуманазарова – 57 кг.
Грек-рим күрөшү боюнча:
— Азат Салидинов — 87 кг;
— Үзур Жусупбеков — 97 кг;
— Роман Ким — 130 кг.
Эркин күрөш боюнча:
— Орозобек Токтомамбетов — 74 кг;
— Атай Изабеков -86 кг;
— Андрей Аронов — 97 кг;
— Айаал Лазарев — 125 кг.
Эл аралык турнирде грек-рим күрөшү боюнча балбандар килемге биринчилерден болуп чыгышмакчы.
Учурда Кыргызстандын куржунунда Олимпиада оюндарына жалпы 9 лицензия бар.
