Дүйнө

Ирандын президенти Раиси бараткан тик учак кырсыктап, баары көз жумганы айтылууда

Ирандын президенти Эбрахим Раиси бараткан тик учак өлкөнүн түндүк-батышында кырсыкка учурады.

РИА Новости жергиликтүү басылмаларга таянып кабарлагандай, тик учак Чыгыш Азербайжан провинциясынын Жулфа шаарына катуу конгон.

Мамлекет башчынын кортежинде үч тик учак болгон. Кырсык болгон кеменин бортунда президенттен тышкары республиканын тышкы иштер министри Хосейн Амир Абдоллахиан жана Чыгыш Азербайжандын губернатору Малик Рахмати болгон. Башка тик учакта бараткан энергетика жана жол министрлери Али Акбар Мехрабиан менен Мехрдад Базрпаш көздөгөн жерине жеткен.

IRNA маалымат агенттиги куткаруучулар аймакка жетип, издөө иштерин баштаганын билдирди. Операцияга 16 отряд катышууда. Ал жакка куткаруучулары бар тик учак да жөнөтүлгөн, бирок ал аба ырайына байланыштуу коно албай, артка кайтууга аргасыз болгон.

Кийинчерээк Tasnim агенттиги президенттик учактын так жайгашкан жерин аныктоо мүмкүн болгонун кабарлады. Ал Узи кыштагына жакын алыскы аймакка катуу конгон. Кырсык болгон жерге сегиз тез жардам унаасы жөнөтүлдү.

Раиси Азербайжанга жекшемби күнү барган. Ал жерде өлкөнүн президенти Илхам Алиев менен бирге “Худаферин” ГЭСин ишке киргизүү аземине жана Араз дарыясында курулган Гиз Галасы ГЭСинин ачылышына катышкан.

Ирандын президенти Эбрахим Раисинин тик учагындагылардын баары көз жумду деп эсептелүүдө.

«Тилекке каршы, Иран президентинин тик учагынын кыйрашынан улам ичиндегилердин баары каза болгон деп эсептелинүүдө», — деп жазылат маалыматта.

ЖМКлар жекшембиде Раиси менен Ирандын тышкы иштер министри Хоссейн Амир Абдоллахианды ташыган тик учак өлкөнүн түндүк-батышында Верзеган чөлкөмүнө кырсыкка учураганын жазып чыгышкан. Жерине куткаруу топтору барып, издөө иштерин жүргүзүп жатышат.

Маалыматтарда бортто өлкө башчыдан сырткары эки аткаминер, имам жана экипаждын мүчөлөрү болгону айтылууда.

Мамлекет башчынын кортежинде үч тик учак болгон. Кырсык болгон кеменин бортунда президенттен тышкары республиканын тышкы иштер министри Хосейн Амир Абдоллахиан жана Чыгыш Азербайжандын губернатору Малик Рахмати болгон. Башка тик учакта бараткан энергетика жана жол министрлери Али Акбар Мехрабиан менен Мехрдад Базрпаш көздөгөн жерине жеткен.

Тектеш кабарлар

Добавить комментарий

Ваш адрес email не будет опубликован. Обязательные поля помечены *

Back to top button