Кадамжайда дайынсыз жоголгон өспүрүм табылды

2024-жылдын 6-июль күнү саат 18:00 чамасында Кадамжай районунун 16 жаштагы тургуну Ахматов Мирболот Улукбекович Жаңы-Жер айылындагы өзү жашаган үйүнөн белгисиз тарапка чыгып кеткен бойдон кайтып келген эмес.

Түшкөн маалыматтын негизинде Кадамжай РИИБдин Ж.Садиров атындагы АМБнун кызматкерлери жогорудагы өспүрүмдү издөө боюнча иштерди жүргүзгөн.

Анын натыйжасында бүгүн таңкы маалда Ахматов Мирболот Улукбековичтин жүргөн жери аныкталып, милиция бөлүмчөсүнө алып келинген. Учурда ал апасына аман- эсен тапшырылып, түшүндүрүү иштери жүргүзүлдү.