Олимпиада-2024. Кыргызстандык дзюдочу Эрлан Шеров беттешин жеңиш менен баштады

Париждеги XXXIII жайкы Олимпиада оюндарында кыргызстандык дзюдочу Эрлан Шеров беттешин жеңиш менен баштады.

Дзюдочу 90 кг салмак категориясында 1/16 финалда кубалык Силва Моралез менен кез келип, жеңишке ээ болду.

Эми ал 1/8 финалда испаниялык спортчу Тристани Мосахлишвили менен беттешет.

Белгилей кетсек, Париждеги жайкы Олимпиада оюндары 26-июлдан 11-августка чейин, Паралимпиадалык оюндар 28-августтан 8-сентябрга чейин өтөт.

Кыргызстандын 16 спортчусу сууда сүзүү, спорттук күрөш, жеңил атлетика, дзюдо жана бокс боюнча мелдештерге катышат.