Чок-Талда скутер тээп бараткан жергиликтүү тургун сууга чөгүп каза тапты

Каргаша 31-июлда болгонун Ысык-Көл облустук милициясынан тастыкташты.

Тартип сакчыларга медиктер оор абалдагы 35 жаштагы киши аймактык ооруканага түшкөнүн кабарлашкан. Ал көлдүн Чок-Талдагы жээгинде сууга чөгүп, бейтапканага жеткирилген. Тилекке каршы, жергиликтүү тургун ошол эле күнү кечкисин каза болуп калган.  

Бул факт боюнча соттук медициналык экспертиза дайындалып, тиешелүү иликтөө иштери жүргүзүлүп жатат.