Ысык-Көлдүн Кара-Ой айылында көп функционалдуу спорт комплекс курулат

Кечээ Камчыбек Ташиевдин катышуусунда өткөн көчмө жыйында курулуш боюнча долбоор талкууланганын Кыргыз футбол союзунан билдиришти.

Курулуш иштери быйыл башталып, заманбап спорт комплекси 17,12 гектарга жерге түшөт. Анда футбол, сууда сүзүү, жеңил атлетика, волейбол, баскетбол, күрөш, дзюдо, бокс, гимнастика, оор атлетика, теннис жана башка спорттун олимпиадалык түрлөрү үчүн инфраструктура каралган. 

Комплексте эл аралык мелдештерди өткөрүүгө жана улуттук курама командалардын машыгуусуна бардык шарттар түзүлөт.