Биржан Байбол студенттик сумкасын кайрадан көтөрдү
Казакстанда ырдап чыгып, чыгармачылыгын Кыргызстандан уланткан казак ырчысы Биржан Байбол кайрадан студент болду.
Ал бул тууралуу Инстаграмдагы баракчасына жарыялады.
«Жакшы кабар менен бөлүшөйүн, бул колумдагы сумка эмнени билдирет? Бул менин студент кезимде көтөргөн сумкам эле. Эми аны мен Бишкек шаарындагы да көтөрөм. Анткени мен Бүбүсара Бейшеналиева атындагы Кыргыз мамлекеттик маданият жана искусство университетинин эстрадалык вокал факультетинде окуй баштадым. Куттуктап койсоңуздар болот. Бирөөгө кубанычтуу, бирөөгө кубанычтуу эмес жаңылык болушу мүмкүн. Бирок мен үчүн өтө кубанычтуу жаңылык. Алдыда мени студенттик күндөр күтүп жатат. Кудай буйруса профессионал вокалист болуп, окуган адамдардын катарына кошуламын», — деди Биржан.
Белгилей кетсек, Биржан Кыргызстанда кыргызстандык ырчы Нурайым Акылбекова менен чогуу ырдаганы үчүн таанымал болгон. Бирок кийинчерээк чыгармачылыктагы өнөктөштөр белгилүү жагдайлардан улам эки жолго түшүшкөн.
