Түркияда эки аскердик тик учак кагылышып, 6 адам каза болду

Түркиянын Ыспарта провинциясында өлкөнүн куралдуу күчтөрүнүн эки тик учагы кагылышканын TRT Haber телеканалы билдирди. Алты аскер кызматкери каза болгон.

Түркиянын Коргоо министрлиги армиянын авиациялык мектебинин Bell UH-1 тик учактары машыгуу учууларын аткарып жатканын билдирди. Кагылышуудан кийин алардын бири май куюучу жайдын жанына кулап кетсе, экинчиси конууга үлгүргөн.

Каза болгондордун арасында бригада генералы Иса Байдилли да бар, деп тактайт НТВ. Кырсык болгон жерге өрт өчүрүүчүлөр жана тез жардам кызматкерлери барышкан. Эки тик учактын кагылышынын себеби азырынча белгисиз.