Ысык-Көлдө 3төн 5 баллга чейинки жер титирөө катталды

Сейсмология институтунун маалыматына караганда, Барскоон, Тосор, Тамга, Чоң-Жаргылчак, Кичи-Жаргылчак айылдарында 5 балл, Кажы-Сай менен Дарханда 4 балл, Кызыл-Суу менен Бөкөнбаевде 3 баллга чейин сезилген. 

Жер титирөөнүн очогу Оттук айылынан 5 чакырым түндүк тарапта, Кара-Шаардан 5 чакырым батыш тарапта, Кара-Талаадан 10 чакырым түндүк-батыш тарапта, Балыкчы шаарынан 16 чакырым түштүк-чыгыш тарапта жайгашкан.