Эски лифттерди алмаштырууга «Бишкекшаарлифт» ишканасына 165 миллион сом бөлүндү

«Бишкекшаарлифт» муниципалдык ишканасына эски лифттерди алмаштырууга 165 миллион сом бөлүнгөн. Бул тууралуу Бишкек шаарынын вице-мэри Рамиз Алиев Жогорку Кеңештин Бюджет, экономикалык жана фискалдык саясат боюнча комитетинин жыйынында билдирди.

Анын айтымында, бул акчага 100 лифт алмаштырылат. Ошондой эле 2023 жана 2024-жылдары 100 лифт алмаштырылган. Мурунку жылдары муниципалдык ишкана жылына 20 лифтти алмаштырып турган.

Вице-мэр «Бишкекшаарлифт» ишканасы 974 лифтти тейлесе, анын ичинен 547 лифт 25 жылдан ашык иштеп жатканын, башкача айтканда, алардын иштөө мөөнөтүнөн көп экенин билдирди.