УКМК: Коргоо министрлигинде кеңешме өткөрүлдү
Бул тууралуу УКМКнын маалымат борборунан билдирди.
Маалыматта айтылгандай, 2025-жылдын 23-январында Кыргыз Республикасынын Коргоо министрлигинин аскер кызматчылары жана КР Куралдуу Күчтөрүнүн Генералдык штабы арасында түшүндүрүү-алдын алуу иштери жүргүзүлдү.
Аталган иш-чара КР Министрлер Кабинетинин Төрагасынын орун басары –УКМК төрагасы генерал-полковник К.К.Ташиевдин тапшырмасынын алкагында болуп өттү.
Жыйынга коргоо мекемелеринин башкаруу органдарынын жетекчилиги, ошондой эле борбордук баш ийүүдөгү түзүмдүк бөлүмдөрдүн башчылары катышты.
УКМК кызматкерлери иш-чаранын катышуучуларына коррупцияга каршы күрөшүү чөйрөсүндөгү мыйзам актыларына киргизилген өзгөртүүлөр, тагыраагы коррупциялык кылмыштарды жасагандар үчүн күчөтүлгөн жоопкерчиликти түшүндүрүштү. Ошондой эле, 2024-жылдагы коргоо мекемелеринин тутумунда аныкталган жана бөгөт коюлган коррупциялык схемалардын айрым жыйынтыктары жана фактылары айтылды.
Жыйында өлкө жетекчилиги тарабынан 2025-2026-жылдары коррупциялык кылмыштарды толугу менен жок кылуу милдети коюлганы белгиленди. Буга байланыштуу КР Куралдуу Күчтөрүнүн аскер кызматкерлерине коррупциялык аракеттерге же коррупциялык схемаларды уюштурууга жол берилбестиги тууралуу эскертүүлөр берилди.
