Coca-Cola компаниясы суусундуктарында уулуу хлораттын деңгээли жогору экени аныкталганы айтылды

Хлораттын деңгээли жогору болгон продукция 2024-жылдын ноябрынан тарта Бельгия, Нидерланддар, Улуу Британия, Германия, Франция жана Люксембургга сатылып кеткен. 

Компания бийлик менен сүйлөшүүлөрдү жүргүзүп жатканын билдиргени менен ден соолукка кооп жарата турган суусундуктун канчасы сатылганы азырынча белгисиз.  

Хлорат дезинфекциялоочу каражаттарды колдонууда, айрыкча сууну тазалоодо хлордун негизинде пайда болушу мүмкүн. Ал метгемоглобинемияны шарттап, эритроциттердин бузулушуна алып келет. Хлорат адамды өлүмгө кептейт. Бул үчүн 1 кг салмакка 10 г зат жетиштүү.