Күн-Туу айылындагы “Көчмөн Сити” турак жай комплексинин курулушу башталды

Эми андагы батирлер мамлекеттик ипотекалык компания аркылуу кезекте тургандарга жана Күн-Туу айыл аймагынын тургундарына берилерин президенттин иш башкармалыгынын жетекчиси Каныбек Туманбаев билдирди.

20 гектар жерди ээлеген комплексте 86 көп кабаттуу үй, 3 мектеп, 4 бала бакча, 3 унаа токтотуучу жай жана эс алуу зоналары салынат. Үйлөрдүн 27си 24 кабаттуу, калганы 20 кабаттуу болот.  Курулуш иштери эки этап менен жүрүп, биринчи этабында 3105 батир берилмекчи.