УКМК: «Оргтехника» ААКтын балансында турган кыймылсыз мүлк жана товардык-материалдык баалуулуктар мамлекеттин балансына кайтарылды
Бул тууралуу УКМКнын маалымат борборунан билдиришти.
Маалыматта айтылгандай, УКМКнын тергөө-ыкчам иш-чараларынын алкагында мурдагы Миң-Куш «Оргтехника» заводу-азыркы «Оргтехника» ААКтын балансында турган кыймылсыз мүлктөр жана товардык — материалдык баалуулуктар мамлекеттин балансына кайтарылды. Атап айтканда, аянты 4,3 га болгон инструменттер цехи, 20га жакын станок (металл кесүүчү, токардык , фрезердик, жаргылчак ж.б.) бар жана аспаптар, аянты 4,44 га болгон заводдун аянты, Мин-Куш айылынын 16-аянтында жайгашкан, аянты 0,19 га болгон мурдагы май куюучу жайдын аймагы, аянты 0,0346 га болгон мурдагы 7-цехтин аймагы, аянты 0,01 га болгон 35 м2 жакын банкет залы, 30 м2 4 гараж жана китепкана. Кайра кайтарылган кыймылсыз мүлктүн жалпы аянты 11 гектарды түзөт.
Миң-Куш «Оргтехника» заводу 1970-1971-жылдары Нарын облусунун аймагындагы биринчи ири өнөр жай ишканасы катары түзүлгөн жана эл керектөөчү товарларды: ручка, түстүү фломастерлерди ж.б. чыгаруу боюнча бюджетти түзүүчү ири ишкана болгон.
Мамлекеттик «Оргтехника» заводу 1994-жылы Эл аралык өнүктүрүү уюмунун программасына (мамлекеттик ишканалардын секторун реформалоо, түзүмүн өзгөртүү жана менчиктештирүү программасы, банкрот жолу аркылуу төлөөгө жөндөмсүз ишканаларды кайра уюштуруу жана жоюу аркылуу) киргизүү аркылуу 1995-жылы ачык акционердик коом (ААК) болуп кайра түзүлгөн.
“Оргтехника» ААКнын жер тилкелери жана кыймылсыз мүлктөрү Жумгал райондук мамлекеттик администрациясынын балансына тиешелүү кабыл алуу-өткөрүп берүү Актысына ылайык өткөрүлүп берилди.
Калган аймактарды, анын ичинде азыр талкаланган «Дружба» балдар лагеринин аймактарын жана «Оргтехника»ААКнын башка мүлктөрүн кайтарып алуу боюнча кошумча иш-чаралар жүргүзүлүүдө.
