Ошто ур-токмоктон дагы бир окуучу каза болуп, кылмышка чоң класстын окуучусу шектелип кармалды

Облустук милиция билдиргендей, Кара-Суу районунун Каратай айылында окуучу жыгылып түшүп көз жумганы тууралуу маалымат 12-февралда түшкөн. 

Териштирүү учурунда күбөлөр №39 орто мектептин окуучулары уруша кетип, 9-класстын окуучусу сабалып, эсин жоготуп кулап калгандыгын айтышкан. 

Кылмыш-жаза кодексинин 130-беренеси («Ден-соолукка оор залал келтирүү») боюнча иш козголуп, тергөөнүн алгачкы маалыматтары боюнча 9-класстын окуучусун сабаган делип ошол эле мектептин Р.Н. аттуу 18 жаштагы окуучусу кармалган.

Өлүмдүн себебин аныктоо үчүн экспертиза дайындалып, тергөө уланууда.