Бишкектин вице-мэри шаардыктарды жумасына эки күн жөө жүрүүгө чакырды

Бул калаадагы ыш менен күрөшүүгө жардам берерин, мэрия бул жаатта көп иш жасап жатканын Таалайбек Байгазиев айтты. 

“Алардын ичинен мисалга алсам, биздин муниципалитет муниципалдык органдар менен чогуу жумасына эки күн жөө, коомдук транспорт, велосипед, самокат менен жүрүп жатабыз. Бул ишке шаардыктардын баары, атургай аймактык административдик реформанын алкагында Бишкекке кошулган конуштардын тургундары дагы кошулушу керек”, — деди вице-мэр “Биринчи радиого” берген маегинде.  

Байгазиев быйыл шаардагы ыш боюнча абал жакшырып калганын кошумчалады. 

@abal-kg