Дүйнөлүк океандын деңгээли күтүүсүз көтөрүлдү

Америкалык космос агенттигинин (НАСА) эксперттери 2024-жылы дүйнөлүк океандын деңгээлинин күтүүсүз көтөрүлүшүн аныкташкан.

Бул тууралуу уюмдун сайтында айтылат.

Отчетто океандын деңгээли күтүлгөндөн да тез көтөрүлүп жатканы айтылат. Бул негизинен суунун ысыганда кеңейишине байланыштуу. 2024-жылы дүйнөдөгү океандын деңгээли 0,59 сантиметрге көтөрүлгөн, бирок окумуштуулар 0,43 сантиметрге көтөрүлөт деп болжолдошкон.