Бишкекте шахмат боюнча турнир болуп өттү — ФОТО
Бишкекте N-Group курулуш компаниясы жана Кыргызстан шахмат союзу тарабынан Кыргызстанда шахматты жайылтууга багытталган узак мөөнөттүү өнөктөштүктүн алкагында уюштурулган N-Group Chess Cup 2025 аттуу ышкыбоздор арасында масштабдуу шахмат турнири өттү.
N-Group компаниясынын башкы директору Сапарбек Курманбаев белгилегендей, бул турнир өлкөдөгү шахмат кыймылын өнүктүрүүдөгү маанилүү кадам болуп саналат.
«N-Group компаниясында интеллектуалдык жана маданий демилгелердин колдоосусуз өлкөнүн өнүгүшү мүмкүн эмес экенине терең ишенебиз. Бул турнир Кыргызстандын келечегине кошкон салымыбыз. «Биз жөн эле имараттарды куруп тим болбостон, шахматчылардай ой жүгүрткөн лидерлердин жаңы муунун калыптандыруудабыз — стратегиялык, жоопкерчиликтүү жана ар бир кадамга урмат-сый менен».
Компаниянын коммерциялык директору Наргиза Артыкова N-Group өлкөдөгү шахматты колдоо жана интеллектуалдык кыймылды өнүктүрүү боюнча долбоордун бир бөлүгү болгонуна сыймыктанарын белгиледи.
«Кыргыз шахмат союзу менен өнөктөштүктө биз спорттун бул түрүн жайылтуу менен чектелбестен, жашоодо ийгилик бир нече кадам алдыга карай ойлонбой туруп мүмкүн эмес деген идеяны жайылтууну каалайбыз. Биз спортчуларды, блоггерлерди, журналисттерди жана курулуш компанияларынын өкүлдөрүн чакырдык, анткени спорт, медиа же бизнес болобу, кандай гана тармакта болбосун, акыл-эс күчүн өнүктүрүү маанилүү экенине ишенебиз», — деди ал.
Турнир 100дөн ашык катышуучуларды жана ар кыл тармактан келген конокторду чогултту. Мелдеш 5+3 убакытты көзөмөлдөө менен командалык блиц-таймаш форматында өттү. Катышууга ышкыбоздор гана уруксат берилген; ФИДЕ рейтинги бар шахматчылар катышкан жок, бул оюнчуларга бирдей шарт түздү.
Символикалык биринчи кадамды N-Group компаниясынын башкы директору Сапарбек Курманбаев менен Кыргыз шахмат союзунун президенти Бабур Төлбаев жасап, шахмат менен курулуштун философиялык биримдигин баса белгилешти. Бабур Латиханович N-Group компаниясына өлкөнүн интеллектуалдык келечегине колдоо көрсөткөндүгү үчүн ыраазычылык билдирди.
Турнирге Жогорку Кеңештин депутаты Дастан Бекешев, кыргыз спортунун легендасы Орзубек Назаров жана башка өлкөнүн чыгаан инсандары да катышты. Алардын бардыгы билим берүүнү өнүктүрүүнүн алкагында интеллектуалдык демилгелерди жана шахматты колдоонун маанилүүлүгүн белгилешти.
Турнирдин жеңүүчүлөрүнө эстелик кубок, медалдар, грамоталар жана акчалай сыйлыктар тапшырылды.
Ошондой эле 10 жашка чейинки Кыргызстандын чемпиондору арасында көргөзмө оюну өттү.
N-Group жөнүндө:
N-Group спорт, билим берүү жана маданият тармагындагы социалдык багыттагы долбоорлорду системалуу түрдө колдоп келе жаткан Кыргызстандагы алдыңкы курулуш компанияларынын бири.
N-Group Chess Cup 2025 бул Кыргызстанда шахмат кыймылын өнүктүрүүгө жасалган кадам. Турнир бардык стратегиялык ой жүгүртүүнү сүйүүчүлөр үчүн жаркын жана эсте каларлык окуя болуп калды!
