Техникалык иштерге байланыштуу «Электрондук нотариат» системасы убактылуу токтотулду

Бул тууралуу Юстиция министрлиги маалымдайт:

2025-жылдын 4-июлунда Нотариаттын бирдиктүү маалыматтык системасын («Э-нот») «Өкмөттүк булутка» (G-Cloud) көчүрүү боюнча техникалык иштердин жүргүзүлүшүнө байланыштуу системага кирүү убактылуу токтотулду.

Иштер саат 22:00дөн кийин башталып, болжол менен 2025-жылдын 5-июлунда саат 04:00гө чейин уланат.

Көрсөтүлгөн мезгилде нотариалдык иш-аракеттерди жүргүзүү мүмкүн болбойт.

Жарандардан жана юридикалык жактардан нотариустарга кайрылууну пландаштырууда бул маалыматты эске алууну суранабыз.

Техникалык иштер аяктагандан кийин «Э-нот» системасы штаттык режимде ишин улантат.