Илон Маск 500 миллиард доллар байлыгы менен тарыхта биринчи адам болуп калды
1-октябрда Масктын байлыгы жарым триллион доллардан ашты. Ишкер Илон Маск тарыхта 500 миллиард долларга жеткен биринчи адам болуп калды.
Forbes журналынын маалыматы боюнча, 1-октябрдагы биржа соодасында Масктын жалпы таза байлыгы кыска убакытка 500 миллиард доллардан ашкан, бирок андан кийин бир аз төмөндөп, 499 миллиард доллардан бир аз ашкан.
Белгиленгендей, жыл башында Маск Дональд Трамптын администрациясында иштеп турганда анын компанияларынын, биринчи кезекте Тесланын баасы тез төмөндөп кеткен, бирок ал Ак үйдөн кеткенден кийин алардын акциялары кайра көтөрүлгөн.
Басылманын маалыматы боюнча, тизмедеги экинчи эң бай адам, Oracle компаниясынын негиздөөчүсү Ларри Эллисондун байлыгы болжол менен 350 миллиард доллар. Кийинки тизмеде Марк Цукерберг (Meta) 246,1 миллиард доллар, Джефф Безос (Amazon) 233,2 миллиард жана Ларри Пейдж (Google) 204,6 миллиард доллар менен турат.
