Роналду тарыхта биринчи жолу футболдук миллиардер болду
Саудиялык Аль-Наср жана Португалия курамасынын чабуулчусу Криштиану Роналду тарыхтагы биринчи футбол миллиардери болду. Bloomberg Billionaires Indexтин маалыматы боюнча, 40 жашында байлыгы 1,4 миллиард долларга бааланган.
Bloomberg агенттигинин маалыматына ылайык, Роналду июнь айында Сауд Арабиянын «Аль-Наср» клубу менен 400 миллион доллардан ашкан жаңы келишимге кол койгондон кийин эң бай спортчулардын катарын толуктаган. Португалиялык чабуулчунун байлыгы биринчи жолу оюнчулардын кирешесин аныктаган Bloomberg Billionaires Index боюнча 1,4 миллиард долларга жетти. Муну менен Роналду бул статуска жеткен биринчи футболчу болду.
Белгилей кетсек, Роналду көптөн бери өзүнүн негизги атаандашы, аргентиналык чабуулчу Лионель Месси менен бирдей киреше алып келген. Кырдаал 2023-жылы кескин өзгөргөн, Месси Түндүк Американын Футбол боюнча Лигасынын (MLS) Интер Майами клубуна эркин агент катары кошулган.
Роналду 2002-жылдан 2023-жылга чейин 550 миллион доллардан ашык киреше тапкан. Ошондой эле ал Nike менен жылына дээрлик 18 миллион долларлык келишимге кол койгон жана Armani жана Castrol сыяктуу бренддер менен кызматташып, анын байлыгын 175 миллион доллардан ашкан. Анын 2023-жылы «Аль Насрга» көчүшү ага жылына болжол менен 200 миллион доллар салыксыз эмгек акы жана бонустарды, ошондой эле кошумча жеңилдиктерди, анын ичинде 30 миллион доллар кол коюу бонусун алып келген.
