Хамастын лидери Газада согуш аяктаганын жарыялады
Газа тилкесиндеги согуш бүттү. Бул тууралуу Палестинанын анклавдагы фракциясынын башчысы Халил аль-Хайя билдирди, деп маалымдайт Аль-Жазира телеканалы.
«Биз бир тууган ортомчулардан жана АКШнын администрациясынан кепилдик алдык, алар согуш толугу менен аяктаганын тастыкташты», — деди ал.
Халил аль-Хайя келишимдин чоо-жайын айтты.
«Биз абактагыларды туткундарга алмаштырабыз, өмүр бою эркинен ажыратылган 250 адам, ошондой эле 2023-жылдын 7-октябрынан бери камакта жаткан 1700 палестиналыктар бошотулат. Мындан тышкары, учурда абактагы бардык жашы жете элек палестиналык балдар, ошондой эле бардык камактагы аялдар бошотулат», — деди Хамастын өкүлү.
Израил Газадагы аскердик операциясын токтотконун азырынча жарыялай элек. Рейтер агенттиги расмийлерге таянуу менен тараптар келишимге Египеттин Шарм-эль-Шейх курортундагы кыйыр сүйлөшүүлөрдүн жыйынтыгында кол коюшканын кабарлады.
