III өспүрүмдөр Азия оюндарынан Акылай Чыныбаева коло байгесине ээ болду

Бахрейн падышалыгынын Манама шаарында өтүп жаткан III өспүрүмдөр Азия оюндарынын алкагында кыргызстандык балбан кыз Акылай Чыныбаева кыз-келиндер күрөшү боюнча таймашта коло медаль жеңди. Бул тууралуу 29-октябрда Дене тарбия жана спорт агенттигинен билдирди.

Маалыматка караганда, кыргызстандык балбан кыз Акылай 61 килограмм салмак категориясында күч сынашты.

Күрөш боюнча мелдештер Манама шаарындагы Exhibition World Bahrain (EWB) конгресс-көргөзмө борборунда өтүп жатат.