Бишкекте №66 жаңы электробус каттамы ишке кирет

2025-жылдын 15-ноябрынан тартып борбор калаада №66 жаңы  электробус каттамы ишке кирет.

Мэриянын маалыматы боюнча, эми Көлмө конушунан 8-кичирайонго чейин ыңгайлуу, үнөмдүү жана экологиялык жактан таза электробустар каттай баштайт.

Маршруттун багыты: Көлмө конушу — Мидин көчөсү — М.Ганди көчөсү — Жаш Гвардия бульвары — Чүй проспектиси — Бейшеналиева көчөсү —  Киев көчөсү — Байтик Баатыр проспектиси — Токомбаев проспектиси  ал эми акыркы аялдама 8-кичирайон.

Электробустар заманбап жабдуулар менен камсыздалып, жүргүнчүлөр үчүн ыңгайлуу отургучтар, кондиционер жана USB кубаттагычтар менен жабдылган.

Урматтуу шаар тургундары, коомдук транспортту таза жана кубаттагычтарды абайлап колдонууга чакырабыз.