Жаңы жылдык дасторкондо бактериялардын булагы болгон азыктар аталды
Гастроэнтеролог Екатерина Кашух Жаңы жылдык дасторкондогу эң кооптуу азыктарды атады. Бул тууралуу РИАМО басылмасы жазды.
Дарыгердин айтымында, Жаңы жыл майрамдарында ден соолукка байланыштуу көйгөйлөр көбүнчө эт жана сырдан, дасторкондо узак убакыт турган салаттардан, ошондой эле алкоголдук ичимдиктерден улам чыгат.
Так ушул спирт ичимдиктерин Кашух Жаңы жылдык дасторкондун эң кооптуу элементи деп атады.
Гастроэнтеролог алкоголь жүрөк-кан тамыр ооруларынын коркунучун жогорулатарын, ууланууну күчөтөрүн, үшүп калуу ыктымалдыгын арттырарын жана жалпы организмге болгон жүктү көбөйтөрүн түшүндүрдү. Анын айтымында, майрам күндөрүндөгү көпчүлүк жаракаттар да дал ушул алкоголду колдонууга байланыштуу болот.
«Эт жана сыр ошондой эле узак убакыт дасторкондо турган, соус менен аралаштырылган салаттар да зыяндуу бактериялардын булагы болуп, тамак-аш аркылуу жугуучу инфекцияларды пайда кылышы мүмкүн», — деп кошумчалады дарыгер.
