Кыргызстан негизги 9 азык-түлүктүн алтоосу боюнча өзүн-өзү толук камсыздоо деңгээлине жетти

2025-жылга карата Кыргызстан негизги 9 азык-түлүктүн алтоосу боюнча өзүн-өзү толук камсыздоо деңгээлине жетти.

Суу ресурстары, айыл чарба жана кайра иштетүү өнөр жайы министрлигинен билдиришкендей, алар:

• жашылча-жемиштер;
• картошка;
• сүт жана сүт азыктары;
• эт жана эт азыктары;
• кант;
• жумуртка.

Ал эми нан азыктары, өсүмдүк майы жана мөмө-жемиштер боюнча муктаждык азырынча жарым-жартылай импорттун эсебинен жабылууда.

2020-жылдан 2025-жылга чейин мамлекеттик колдоонун жана дыйкандардын мээнетинин натыйжасында өзүбүздү камсыздоо көрсөткүчү төмөнкүдөй жогорулады:

• сүт-112 пайыздан → 127,3 пайызга;
• эт-63,6пайыздан → 85,7 пайызга;
• кант-15 пайыздан → 82,1 пайызга;
• жумуртка-56,4 пайыздан → 79,8 пайызга;
• өсүмдүк майы-34 пайыздан → 51,7 пайызга;
• мөмө-жемиштер-15 пайыздан → 51,4 пайызга.

«Бул көрсөткүчтөр өлкөнүн азык-түлүк коопсуздугун бекемдөөгө жана сырткы факторлордон көз карандысыз болууга багытталган стратегиянын натыйжасы болуп саналат», — деп айтылат маалыматта.