ЖК үч министрликтин жаңы жетекчилерин дайындоого макулдук берди
Бүгүн Жогорку Кенештин жыйынында депутаттар үч министрликтин жаңы жетекчилерин дайындоого макулдук беришти.
Талапкерлер бир добуштан жана талкуусуз колдоого алынды — эл өкүлдөрү талапкерлерге суроо бербөөнү чечишти.
Эл өкүлдөрүнүн чечимине ылайык, төмөнкү талапкерлер жактырылды:
Урматбек Шамырканов — өзгөчө кырдаалдар министринин кызмат ордуна;
Талантбек Солтобаев — транспорт жана коммуникациялар министринин кызмат ордуна;
Акыл Токтобаев — жаратылыш ресурстары, экология жана техникалык көзөмөл министринин кызмат ордуна.
Эске салсак, 16-февралда президент Садыр Жапаров мурдагы жетекчилерди кызматтан бошотуу тууралуу жарлыктарга кол койгон: Бообек Ажикеев (ӨКМ), Абсаттар Сыргабаев (Транспорт министрлиги) жана Медер Машиев (Жаратылыш ресурстары министрлиги).
