Натыйжалуу арыктоонун сыры айтылды
Испаниялык тамактануу жана спорт жаатындагы изилдөөчү Альба Камачо-Карденоса тамактануу убактысы салмак кошуу же арыктоо менен түздөн-түз байланыштуу экенин билдирди. Ал арыктоонун анча байкалбаган принцибин The Independent басылмасына берген маегинде айтып берди.
Адистин айтымында, ал жүргүзгөн изилдөө сутка ичиндеги тамактануу «терезесин» сегиз саат менен чектеген учурда арыктоонун натыйжалуулугу жогору болорун көрсөткөн. Анын түшүндүрүүсүнө караганда, мындай ыкмада сутка эки бөлүккө бөлүнөт: 8 сааттын ичинде тамактанууга болот, ал эми калган 16 саатта эч нерсе жебөө талап кылынат.
«Артыкчылыктар тамактануунун так убактысына эмес, дал ушул 16 сааттык ачкачылык мезгилине байланыштуу окшойт», — деп белгиледи ал. Камачо-Карденосанын айтымында, мындай тартипти карманган адамдар кадимки режимде тамактангандарга салыштырмалуу орточо 1,6–2,8 килограммга көбүрөөк салмак жоготушкан.
