Ала-Арчада музга чыгуу боюнча Кыргызстандын ачык чемпионаты өттү

Ала-Арча капчыгайында музга чыгуу боюнча Кыргызстандын ачык чемпионаты өттү. Мелдеш «Скиф-Политех» тоо клубунун альпинизм секциясынын түзүлгөнүнө 45 жыл толгонуна арналды. Бул тууралуу уюштуруучулар — Олимпиадалык эмес спорт түрлөрү боюнча дирекция жана Альпинизм жана спорттук аскага чыгуу федерациясы билдирди.

Маалыматка ылайык, турнирге Кыргызстан, Россия жана Казакстандан келген 40тан ашуун спортчу катышты.

Жарыштар Ак-Сай шаркыратмасынын табигый рельефинде атайын даярдалган муз трассаларында өткөрүлдү. Шаркыратманын бийиктиги 70 метрди түзүп, ал бир нече каскаддан турат. Объект деңиз деңгээлинен 2700 метр бийиктикте жайгашкан.