Шаирбек Ташиев депутаттык мандатын тапшыруу тууралуу арыз жазды

Шаирбек Ташиев депутаттык мандатын тапшыруу тууралуу арыз жазды. Бул тууралуу жергиликтүү басылмалар өздүк булактарына таянып кабарлады.

Алардын маалыматына ылайык, бүгүн Борбордук шайлоо комиссиясынын (БШК) жыйыны өтүп, анда Ташиевди мандаттан ажыратуу маселеси каралышы күтүлүүдө.

Эске салсак, 13-мартта Шаирбек Ташиев Кыргызстандын Ички иштер министрлигинин тергөө башкармалыгында сурак берген. Азырынча ал кайсы кылмыш иши боюнча суракка алынганы жана кайсы макамда — күбө же шектүү катары өткөнү белгисиз.

Акыркы жумаларда Кыргызстандын социалдык тармактар сегментинде Ташиевдин каржылык пландары жана жеке чыгымдары тууралуу сүйлөшүүлөрүнүн аудио жазуулары тараган.