Эң пайдалуу жазгы жашылчалардын тизмеси

Диетолог, нутрициолог Софья Кованова жаз мезгилиндеги эң пайдалуу жашылчаларды атады. Бул тууралуу ал aif.ru басылмасына берген маегинде билдирди.

«Жазында рационго эрте чыккан көк чөптөрдү кошуу керек: шпинат, руккола, көк пияз. Алар фолаттардын, С витамининин жана иммунитетти жана зат алмашууну колдогон антиоксиданттардын жакшы булагы», — деди Кованова.

Ошондой эле ал жазында редис менен редьканы жегенди сунуштады. Диетолог бул жашылчалар С витаминине жана клетчаткага бай экенин белгиледи. Бирок ашказан-ичеги оорулары бар адамдар аларды ченеми менен колдонушу керектигин эскертти.

Мындан тышкары, адис жазгы рационго капустаны да кошууга чакырды. Анын айтымында, бул жашылча клетчаткага, ошондой эле С жана K витаминдерине бай.