Коронавирус күч алууда: 2000ден ашык адамга жугуп, 56 киши көз жумду

Дүйнөнү дүрбөлөңгө салып, кооптондуруп аткан коронавирусту жуктургандардын саны акыркы маалыматтарга таянсак, Кытайда 2000ден ашып, 56 киши көз жумганын Кытайдын жергиликтүү маалымат каражаттары жазып чыкты.

Учурда Ухань провинциясына Кытай дарыгерлеринин өтө чоң тобу жардамга келип, бул жер көзөмөлгө катуу алынууда. 1300 орундук инфекциялык оорукана  тургузулганына караганда абалды өтө курч баамдоого болот.

Францияда 3 киши оору жуктуруп алганы белгилүү болду. Алар дароо госпиталдаштырылды.

Азыр  коронавирусту  жуктуруп алуу  коркунучунан  кооптонуп, көп мамлекеттер ооруну алдын алуу чараларын көрүп атышат.

Abal.kg