Саламаттык сактоо министрлиги менен Тышкы иштер министрлиги коронавирус боюнча маалымат беришти

Кыргыз Республикасынын Өкмөтүнүн кезектеги жыйыны өтүүдө. Бул туурасында Кыргыз Республикасынын Өкмөтүнүн Аппаратынын маалыматтык камсыздоо бөлүмү маалымат берди.

Жыйындын күн тартибиде Кыргыз Республикасынын 2019-жылдагы социалдык-экономикалык өнүгүүсүнүн болжолдуу жыйынтыктары тууралуу, «2019-жылды аймактарды өнүктүрүү жана өлкөнү санариптештирүү жылы деп жарыялоо жөнүндө» Кыргыз Республикасынын Президентинин Жарлыгын 2019-жылы аткарылышы, 2020-жылга карата Кыргыз Республикасынын Өкмөтүнүн ишмердүүлүгүнүн Программасын жүзөгө ашыруу боюнча Кыргыз Республикасынын Өкмөтүнүн биринчи кезектеги иш аракеттеринин планын бекитүү жөнүндө иштер каралат.

Мындан тышкары Кыргыз Республикасынын Саламаттык сактоо министрлиги жана Тышкы иштер министрлиги коронавирус боюнча абал жана кабыл алынган чаралар тууралуу маалыматтарды беришти.

Abal.kg