2-класстын окуучусу сууга чөгүп каза болду

Кечээ Ош шаарындагы мектептердин биринде окуган сегиз жаштагы бала сууга чөгүп каза болду. ӨКМ билдиргенине караганда, шаардын Латибжанов көчөсүндө каналга жаш бала түшүп кеткени тууралуу маалымат түшкөн.

ӨКМдин Ош шаардык башкармалыгынын куткаруучулары окуя болгон жерге барып, баланын сөөгүн суудан чыгарып, милиция кызматкерлерине өткөрүп беришти.

Эскерте кетсек, Кыргызстанда 2019-жылдын биринчи жарымында  эле 88 адам сууга чөгүп каза болгон экен.

Abal.kg