Алыс жолго чыккандар абайлагыла

Өзгөчө кырдаалдар министрлиги 9-мартка чейин жаап өткөн жана күтүлүп жаткан жаан-чачынга байланыштуу Кыргызстандын тоолуу райондорунда кар көчкү түшүү коркунучу жогору экенин эскертет.

Маалымат боюнча Бишкек-Ош унаа жолунундагы Төө-Ашуу ашууда, Ала-Бел ашуусу менен Чычкан капчыгайында кар көчкү түшүп, кар күрткүсү пайда болушу ыктымал.

Андан сырткары Мырза-Аке — Кара-Кулжа — Алайкуу унаа жолунун 45-115-чакырымдарында, Ала-Бука — Каныш-Кыя унаа жолунун 68-99-чакырымдарында (Чапчыма ашуусу), Красная-Горка-Ак-Таш унаа жолунун 1-4-чакырымдарында, Арал-Миң-Куш унаа жолунун 1-10-чакырымдарында, Казарман-Актал-Чат унаа жолунун 43-44-чакырымдарында (Ийри-Суу тилкеси), 63-93-чакырымдарында (Кара-Гөө ашуусу), Каракол-Эңилчек унаа жолунун 64-90-чакырымдарында (Чоң-Ашуу ашуусу) кар күрткүсү жана кар көчкү түшүү коркунучу сакталат, жолдор тайгак болуп муз тоңот.

Унаалардын ортосундагы 500 метр аралык кыймыл чектелиши зарыл.

Abal.kg