Милиция болуп иштегиңиз келеби? Анда конкурска катышыңыз

Ош шаардык милициянын кайгуул кызматы бөлүмүнө ваканттык орундарга конкурс жарыяланды. Бул туурасында ИИМдин алдындагы Жол кыймылы коопсуздугун камсыздоо башкы башкармалыгынын маалымат кызматынан билдиришти.

Кайгуул милициясынын түрдүү кызматтарына 219 кызматкер керек.

Документтер ушул жылдын 16-апрелине чейин кабыл алынат. Конкурска катышуу үчүн Ош шаарындагы Касымбеков көчөсү, 30 дареги боюнча кайрылсаңыз болот, же 3-9563 жана 3-9562 номерлерине чалуу керек.

Толук маалыматты ЖКККББнын расмий сайтынан алууга болот.

Abal.kg