Египетте калган 160 кыргызстандык мекенине кайта албай жатат

Учурда Египетте калып калган 160дай кыргызстандык Алматы аркылуу транзит менен Кыргызстанга кайта албай жатат. Аны Туризм ассоциациясынын башчысы Эрмек Мырзабекова айтты.

Ал ушул тапта Египеттен тышкары Бириккен Араб эмирлигиндеги, Таиланддагы, Шри-Ланкадагы жана Индиядагы мекендештер Кыргызстанга кайта албай турганын билдирет.

“Египеттен башка мамлекеттерде калып кеткен кыргызстандыктардын саны такталууда”, — дейт ал.

Казакстан коронавирустан улам өзгөчө кырдаал киргизип, бардык авиакаттамдарды жана жолдорду жапкан эле.

Abal.kg