Коронавируска чалдыккан казахстандык Стамбулдан келип, Бишкек аркылуу Кашкелеңге өткөн
Казакстандын саламаттык сактоо министрлигинин өкүлү Диас Ахметшарип коңшулаш мамлекеттеги коронавирус илдетине чадыккан 53 – бейтап тууралуу маалымдады. Бул туурасында Zakon.kz билдирди.
«1986-жылкы бул жигит 17 — мартта Стамбул — Бишкек рейси менен учуп келип, 18 — мартта Бишкектен автомашинага түшүп, Алматы облусунун Карасай районунун Кашкелең шаарына бет алган. Азыр ал стационардык карантинде. Абалы каннаттандыраарлык», — деп билдирди ал.
Азыркы учурда Казсакстанда коронавируска чалдыккан 53 бейтап катталды: Алматыда — 22, Алматы облусунда — 1, Карагандыда — 2, Нур-Султанда — 28.
А Кыргызстанга эртең – 22- марттан баштап бир айлык мөөнөт менен өзгөчө кырдаал киргизиле турганы маалымдалды. Кыргызстанда коронавируска чалдыккан 12 бейтап дарыланууда.
Abal.kg
