Бишкек мэриясы: борбор калаада коомдук транспорт толугу менен токтотулду

Бишкек шаарынын мэриясы борбор калаада коомдук транспорт толук түрдө токтотулганын маалымдайт.

Маалыматка таянсак, мындай чечим Бишкек шаарынын комендатурасынын жыйынында кабыл алынган. Эми болгон автобус, троллейбустан тышкары такси кызматтары дагы өз ишин токтотот.

Мамлекеттик органдар жумушка чыккан кызматкерлери үчүн транспорт даярдап, камсыздаш керек.

Эскерте кетсек, Бишкек шаарында 25-марттан тарта эртең мененки саат 7:00дөн кечки 20:00гө чейин коменданттык саат иштейт.

Abal.kg