Ошто коронавирус жуктурганын жашырган адамды 5 жыл эркинен ажыратуу күтүлүүдө

Ош облусунун Ноокат районунун коронавирусту жуктуруп алганын билип, аны жашырган тургунуна кылмыш иши козголду. Бул тууралуу Оштун коменданты Малик Нурдинов билдирди.

Анын айтымында, ал Жазык кодексинин 280-беренеси (санитардык эпидемиологиялык эрежерелерди бузуу) боюнча айыпталууда.

«Билип туруп туугандары, теңтуштары менен байланышып жүрө берген. Ооруп калганда текшерсек, илдетке кабылыптыр. Андан сырткары өзүнүн дос-чарасынан, ишканасындагы чогуу иштегендеринен да коронавирустун белгилери чыгып калды. Бүгүнкү күндө ал жаран обсервацияга жаткырылды. Жакшы болуп чыгары мыйзамдын негизинде 5 жылга чейин камалат», -деди Малик Нурдинов.

Abal.kg