Комендант Уланбек Аалиев: Биздин аткарып жаткан иштер, элдин саламаттыгы үчүн
Нарын шаары жана Ат-Башы районунун коменданты Уланбек Аалиев бүгүн түз эфирде Нарын облусунда жана анын ичинде өзгөчө абал киргизилген Нарын шаары жана Ат-Башы районунда сутка ичиндеги кылмыш окуяларга жана комендаттык сааттын эрежелерин бузгандарга токтолду.
Ошондой эле облуста жалпысынан коомдук саясий абал туруктуу жана көзөмөлдө.
2020-жылдын 28-апрелге карата 7 кылмыш катталды. Алардын арасында өзгөчө оор кылмыш катталган жок.
Ал эми коменданттык саатты 7 жаран бузду. Ат-Башыда-5, Нарын шаарында -2 жаран кармалган.
Жалпысынан облуста кылмыштуулук азайды.
Ошондой эле брифингдин аягында жергиликтүү тургундарга кайрылуу жасап – “Укук коргоо органдарынын талаптарына баш ийип мыйзам жана эпидемиологиялык-карантиндик эрежени бузуудан алыс болууга, тартипти сактоого чакырам. Биздин аткарып жаткан иштердин баары сиздердин ден соолугуңар жана саламаттыгыңар үчүн. Андыктан эрежени сактап, үйдө болуп илдетти бирге жеңели”, — деди Аалиев.
Нарын шаары жана Ат-Башы районунун комендатурасынын басма сөз кызматы
