Коронавирус Кыргызстанда дагы 10 адамдан аныкталды

1-майга карата Кыргызстанда соңку бир сутка ичинде дагы 10 адамдан коронавирус табылды. Бул тууралуу Саламаттык сактоо министрлиги кабарлады.

Алардын бешөө Бишкек шаарында, үчөө Ош облусунда. Баткен жана Нарын облустарында бирден адам.

Бир сутка ичинде 42 бейтап айыгып чыкты.

Жалпысын бүгүнкү күнгө карата Кыргызстанда бул илдет 756 адамга жукту, алардын сегизи кайтыш болду, 504 бейтап сакайып кетти.

756 адамдын 198и медицина кызматкери, алардын 114ү айыкты.

Abal.kg