Ардагерлерге таазим. Ысык-Ата районунун ардагерлерине медаль жана акчалай сыйлык берилди

Улуу Жеңиштин 75 жылдыгына карата Ысык-Ата райондук мамлекеттик администрациясынын башчысы-аким Байыш Курманов согуш ардагерлерин куттуктап, белектерин тапшырды.

Бүгүнкү күндө район боюнча согуштун эки гана  ардагери калган. Алар  Султанов Ибрагим жана Иванов Михаил Андреевич.

Район жетекчиси ардагерлерге Кыргыз Республикасынын Президенти Сооронбай Жээнбековдун куттуктоо катын окуп берип, Улуу Жеңиштин 75 жылдыгына арналган медалын такты. Чүй облусунун ыйгарымдуу өкүлүнүн атынан 10 000 сом жана өзүнүн атынан 10 000 сом акчалай белек тапшырды. Буга чейин аларга КР Президентинин атынан 75 000 сомдон берилген. 

Abal.kg