Коронавирус Арабстандагы Йемен мамлекетин Жер бетинен жок кылышы мүмкүн

Коронавирустун пандемиясынан жабыр тартып жаткан өлкөлөрдүн ичинде Йөмен (Араб жарым аралында жайгашкан мамлекет) өзгөчө бөлүнүп турат. Азыркы учурда өлкөдө катастрофалуу абал түзүлгөн. Акыркы беш жылдын ичинде Йемен граждандык согуштун айынан кыргынга учураса, эми COVID-19 инфекциясынын таралышын токто албай жатат, деп билдирди 18-майда «Правду.Ру» маалымат агенттиги.

Йеменде тамак-аштын жапырт тартыштыгы, медициналык дары-дармектердин, жабдуулардын жана врачтардын жетишсиздиги баамдалууда.

«Йемен дүйнөнүн картасынан жок болуп кетиши ыктымал. Абал өтө коркунучтуу», — деп билдирди  медициналык инженер Луай Таха аль-Махбаши Sky News маалымат басылмасына берген интервьюсунда.  

Abal.kg