Экс-депутат, мамлекеттик ишмер Болот Шердин сөөгү жерге берилди

Бүгүн экс-депутат, мамлекеттик ишмер Болот Шердин сөөгү жерге берилди. Буга чейин маркум өзүнүн керээзи боюнча сөөгү Талас облусунун Манас районуна караштуу Чоң-Капка айылына коюлары айтылган эле.

Эскерте кетсек экс-депутат Болот Шер 61 жашында ооруканада каза болду. Ал 12-июнга караган түнү инсульт алып ооруканага түшкөн. Андан кийин абалы жакшырып калганы, бирок комадан чыга электиги айтылган болчу.

Болот Шер Жогорку Кеңештин үч жолку чакырылышынын депутаты болуп шайланган. 2005-жылы спикердин орун басары болсо, 2010-жылы 7-апрель окуясынан кийин Убактылуу өкмөттө ички иштер министри болуп да иштеген.

Болот Шерди акыркы сапарга узатууга анын кесиптештери, саясатчылар, депутаттар барышты.