Коронавирус. Акыркы суткада дагы 283 кишиден аныкталды. 10 киши каза тапты

Кыргызстанда акыркы бир суткада дагы 283 кишиден коронавирус инфекциясы аныкталды, деп билдирди COVID-19 каршы күрөштүн Республикалык штабынын Telegram-каналы. Жуктургандардын көбү Бишкекте.

Акыркы суткада медиктер, мурдагыдай 4 миңдин тегерегинде эмес, бар болгону 1 975 гана иликтөө өткөрүшкөн. Ошондо да ушунча бейтап анкыталды.

Аймактар боюнча:

• Бишкек шаары – 162;
• Чүй облусу – 31;
• Ош шаары – 27;
• Ош облусу – 13;
  Нарын облусу – 18;
• Баткен облусу – 13.
• Ысык-Көл- 19.

Ушуну менен республика боюнча коронавирус жуктуруп алгандардын жалпы саны 7 377ге жетти.

Акыркы суткада 35 жаштан 81 жашка чейинки 10 бейтап каза тапты. Көз жумгандардын жалпы саны 88ге жетти.

Акыркы суткада республиканын ооруканаларынан айыгып чыккандары 88ди түздү. Жалпы айыккандар — 2802 киши.