Азиз Суракматов: Пневмония — коронавирус экенин дарыгерлер айтып жатышат

“Акыркы эки жумада кырдаал өтө оорлой баштады. Бишкекте коронавирус менен ооругандардын саны 3617 адамга жетти, же республика боюнча баардык ооругандардын 42 %ине барабар. Жаңы конуштарда да абал начарлады, COVID-19 менен ооругандардын саны 680 кишиге жетти. Пневмония менен ооругандардын саны тез өсүп жатат, бул акыркы жылдарга караганда бир нечеге жогору. Ооругандардын көпчүлүгү коронавирус лабораториялык диагнозу коюлганга чейин эле келип жатышат. Өлкөнүн дарыгерлеринин жана башкы пульмонологунун маалыматтары боюнча, бул коронавирус экендиги айтылып жатат. Бул оору менен сыркоолоп калуунун өсүү динамикасы шаар тургундарына коркунуч жаратууда”, – деп билдирди, 8-июлда өткөн онлайн-брифинг учурунда, Бишкек шаарынын мэри Азиз Суракматов.