Профессор Мавлянов Абдырахман каза тапты

Узакка созулган оорудан кийин, техника илимдеринин доктору, профессор, Кыргыз Республикасынын Улуттук илимдер академиясынын корреспондент-мүчөсү, Кыргыз инженердик академиясынын академиги Мавлянов Абдырахман Субанкулович дүйнө салды.

Мавлянов Абдырахман Субанкулович 1947- жылы сентябрда Жалал-Абад областынын Жаңы-Жол районунун(Аксы) Караван (Кербен) кыштагында туулган. 1961- жылга чейин Жергетал орто мектебинде окуган. 1965- жылы Фрунзедеги автожолдор техникумун бүткөн. 1971- жылы Ленинграддагы инженердик-курулуш институтун бүтүрүп, 1975-жылы Ленинграддагы инженердик-курулуш институтунун аспирантурасын аяктаган

1965-66- жылдары — ДЭУ №12 (Жаңы-Жол району) инженер.

1971-75- жылдары Фрунзедеги политехникалык институтунда окутуучу.

1979- жылы-кандидаттык диссертациясын Ленинградда жактаган.

1979-81- жылы Фрунзедеги политехникалык институтунда улуу окутуучу, доцент.

1981-90-жылдары ошол эле ЖОЖдун «Курулуш материалдарын өндүрүү» кафедрасынын башчысы.

1990-жылы Фрунзедеги политехникалык институтунун Оштогу филиалында директору.

1991жылы Ош жогорку технологиялык колледжге айландырган жана ошол ЖОЖдо проректору.

1993-жылы Жалалабад мамлекеттик университетинин ачуу жумуш комиссиясынын төрагасы.

1994- жылы КМУнун Кыргыз — Америка факультетинин деканынын орун басары.

1995- жылдан 2013-жылга чейин Бишкек финансы экономикалык академиясынын ректору.

2001-2006, 2011-2012- жылдары Кыргыз Республикасынын билим министрлигинин коллегиясынын мүчөсү.

2010-жылдын январынын тартып Россия ЖОЖдорун бүткөргөндөрдүн Ассоциациясынын Кеңешинин төрагасы.

2013-жылдан 2017-жылга чейин КР Жогорку аттестациялык комиссиясынын төрагасы.

КР Ардак грамотасы, Билим берүүгө эмгек сиңирген ишмер ж. б. сыйлыктардын жана ардак наамдардын ээси болгон.