Фармацевттик компаниялар ооруканаларга 26,8 миллион сомдук дарыларды бекер беришти

Фармацевттик компаниялар Кыргызстандын ооруканаларына 26,8 миллион сомдук дарыларды бекер беришти. Бул туурасында саламаттык сактоо министрлигинин дары-дармектер жана медициналык жабдыктар департаментинен билдиришти.

Жардам берүү акциясы дагы эле уланып жатат, дешти министрликтен.

«Чогулган дары-дармектер жети областтын ооруканаларына, элдин жана бейтаптардын санына ылайык бөлүштүрүлөт. Отчет ММКларга жарыя кылынат», — деп белгилешти департаментте.