Чолпон-Ата ооруканасынын реанимация бөлүм башчысы Сарбагыш Иманалиев пневмониядан каза болду

Бишкекте Чолпон-Ата шаардык ооруканасынын реанимация бөлүмүнүн башчысы Сарбагыш Иманалиев көз жумду. Бул тууралуу Кыргыз медициналык ассоциациясы билдирди.

Дарыгерге пневмония диагнозу коюлгандыгы такталды.

«Ал профессионал адам болчу, Чолпон-Атадагы көптөгөн адамдардын өмүрүн сактап калган», — деп билдирет бирикме.

Сарбагыш Иманалиев бүгүн эртең менен Бишкекте көз жумду. 1961-жылы туулган, 1984-жылы Кыргыз мамлекеттик медициналык институтунун медициналык факультетин бүтүргөн. Ал 36 жашын медицинага арнаган.

Ал 59 жашта болчу.

Маркумдун жакындарына терең кайгыруу менен көңүл айтабыз.